"परम पूज्य गुरु घासीदास महिमा बखान "


"परम पूज्य गुरु घासीदास महिमा बखान "


सुनो सुनो सभी संगवारी गुरु घासी के अमर कहानी ,
सुनो सुनो सभी संगवारी गुरुबाबा के अमर कहानी !२!
गुरु बाबा के अमर कहानी ,
गुरु घासी के अमर कहानी ~
सुनो सुनो सभी संगवारी गुरु घासी के अमर कहानी ,
सुनो सुनो सभी संगवारी गुरु बाबा के अमर कहानी !२!
(१)-सन १७५६ के साल ये गिरौद म लेहे अवतारे ,
गुरु गिरौद म लेहे अवतारे !
गिरौद म लेहे अवतारे गुरु हर गिरौद म लेहे अवतारे!२!-कोरस 
बाबा मंहगू -माता अमरौतिन के घर म लागे हो जइसन तिहारे,
गुरु लागे हो जइसन तिहारे !
लागे हे जइसन तिहारे बाबा घर म लागे हे जइसन तिहारे!२!-कोरस 
सत के पूजइया बाबा सतधारी !२!
मंहगू बाबा सतनामी ,सुनो सुनो ,
सुनो सुनो सभी संगवारी गुरु घासी के अमर कहानी ,
सुनो सुनो सभी संगवारी गुरु बाबा के अमर कहानी !२!
(२)-बुद्धू बुधारू सखा गुरु घासी ल संगे म लेके खेलाये ,
गुरु संगे म लेके खेलाये !
संगे म लेके खेलाये गुरु हर संगे म लेके खेलाये !२!-कोरस 
सांप ह काटे बुधारू सखा तेला बालक पण म जिलाए ,
गुरु बालक पण म जिलाए !
बालक पन म जिलाए गुरु हर बालक पन म जिलाए!२!-कोरस 
नई हे नई हे कोनो दुनिया म !२!
हमर गुरु जैसे जीवन दानी ,सुनो सुनो ,
सुनो सुनो सभी संगवारी गुरु घासी के अमर कहानी ,
सुनो सुनो सभी संगवारी गुरु बाबा के अमर कहानी !२!
(३)-गलियार बईला ल नागर म जोंते अधर म कपड़ा सुखाये ,
गुरु अधर म कपड़ा सुखाये !
अधर म कपड़ा सुखाये गुरु हर अधर म कपड़ा सुखाये !२!-कोरस 
आगि पानी बिना जेवन बनाके सबो ल तैहर दिखाए ,
गुरु सबो ल तैहर दिखाए !
सबो ल तैहर दिखाए गुरु जी सबो ल तैहर दिखाए !२!-कोरस 
तोर लीला हवय गुरु भारी !२!
कैसे महिमा ल तोर बखानी ,सुनो सुनो ,
सुनो सुनो सभी संगवारी गुरु घासी के अमर कहानी ,
सुनो सुनो सभी संगवारी गुरु बाबा के अमर कहानी !२!
(४)-चटिया मटिया डोली म जाके भूत परेत भगाए ,
गुरु भूत परेत भगाए !
भूत परेत भगाए गुरु हर भूत परेत भगाए !२!-कोरस 
पांच काठा गुरु धान ल लेकेखारे भर म पुरोये ,
गुरु खार भर म पुरोये !
खार भर म पुरोये गुरु हर खार भर म पुरोये !२!-कोरस 
सबो विरोधी के मुह बंधागे !२!
होगे सबो पानी पानी ,सुनो सुनो ,
सुनो सुनो सभी संगवारी गुरु घासी के अमर कहानी ,
सुनो सुनो सभी संगवारी गुरु बाबा के अमर कहानी !२!
(५)-गाँव म मरे रहे गऊ माता ल अमृत पिला के जिलाए ,
गुरु अमृत पिला के जिलाए !
अमृत पिला के जिलाए गुरु हर अमृत पिला के जिलाए !२!-कोरस 
छय महिना के मरे सफुरा माता ल मठ खोद के जिलाए ,
गुरु मठ खोद के जिलाए !
मठ खोद के जिलाए गुरु हर मठ खोद के जिलाए !२!-कोरस 
अचरज म पड़े गिरौद वासी मन !२!
जय जय होवे अवतारी ,सुनो सुनो ,
सुनो सुनो सभी संगवारी गुरु घासी के अमर कहानी 
सुनो सुनो सभी संगवारी गुरु बाबा के अमर कहानी !२!
(६)-सतनाम सतपुरुष पिता के तैहर ग अवतारी ,
गुरु तैहर ग अवतारी !
तैहर हावाच अवतारी गुरु जी तैहर हावाच अवतारी !२!-कोरस 
सुमरत हावव सतनामी गुरु जी आबे तहू मोर दुवारी ,
गुरु आबे तहू मोर दुवारी !
आबे तहू मोर दुवारी गुरु जी आबे तहू मोर दुवारी !२!-कोरस 
हे सत पिता मंहगू के लाला !२!
महू हावव सतनामी ,सुनो सुनो ,
सुनो सुनो सभी संगवारी गुरु घासी के अमर कहानी ,
सुनो सुनो सभी संगवारी गुरु बाबा के अमर कहानी !२!

संकलन श्री मंगल चातुरे 

सतनाम धर्मशाला गिरौदपुरी

सतनाम धर्मशाला गिरौदपुरी
सतनाम धर्मशाला गिरौदपुरी, यह धर्मशाला छत्तीसगढ़ प्रगतिशील सतनामी समाज द्वारा केवल समाजिक सहयोग से करीब 2.5 करोड़ की लागत से निर्मित है, जिसका उद्घाटन श्री भूपेश बघेल जी, माननीय मुख्यमंत्री द्वारा दिनांक 11.12.2019 को उद्घाटन किया गया है।